真的希望香港還有希望

長沙灣城巴大車禍死了三名無辜市民。

不要罵我乘機大罵中國共產黨。中共主宰了港府，乜都要畀佢話事！大家睇睇大陸！管治成似咩樣！港府班狗官又係點益d大商家？小市民？你地等死好了。中小企？一齊去死吧！中共和港府一副 I don't care的態度，仲好意思日日吹祖國點強大，香港點保持繁榮！BULL SHIT啦你班仆街！

香港人難搵食，比十年前差，無錯，我指大部分人。有些行業可能比廿年前更差。

做巴士司機責任好重大，大家可能唔係好留意。責任比突首有過之而無不及！幾十條人命在手中呀，大佬。唔夠人手加上有些司機搵唔夠開支，日日做十幾個鐘，好撚辛苦的，仲要係夜更！唔好玩啦，老底得萬鬆d，廿幾卅年前都搵到啦！OT埋都只得兩萬。喂，開車開到睡著左！好彩不是衝落山嗟！其實都試過。

對於「代言人」這個名詞，大家也不會陌生。代言人收錢幫公司賣廣告，唱好其產品和服務。表面來看，代言人是其用家，用過滿意，介紹畀大家。可是事實上，好的東西只需靠真正用家的口碑都好足夠。

背後的真相是，其實產品不是這麼好，代言人都係誇大了產品的好處，而且，代言人通常是知名的藝人，酬勞十分驚人，最後轉嫁消費者。我不買這類產品，也是因為不想幫人供養講大話的代言人。就算要買，都不會在最初推出之際。

政治上也有很多代言人。港府高官，照以上邏輯就如產品代言人，收得港人的稅，由此出人工，係唔係應該站響香港人一邊呢？錯錯錯！因為高官不是由香港人自己選的，而是由控制了香港資源的中共和富商，用佢地「自己既方式」，或委任或「選舉」出來， 懶理香港人的想法，因此名義上呢班高官代表了香港，實際上是事無大小，都是代表了中共（的利益）！

由此又引伸出，港人要搵到食，就要有忠於港人的高官主持公道，提供公平的環境和建設繁榮社會，讓大家安居樂業。因此，民主不是單單民主咁簡單，政治冷感解決不了問題，不要再說「我不懂政治」，「唔好搞住我搵食」等等、等等。代表了非法政權中國共產黨的香港政府「代言人」，就是破壞我地法治和公平社會的始作俑者！

我舉幾個例子，大家就會明白。

呢個政府可以隨時新開職位，幾十萬一個月，乜都做唔到，這乃是名符其實的冗員。呢筆錢並無好好利用去幫助真正有需要既港人，最諷刺是，政府好大聲話好急好急，如果無呢個位，就無法展開新工作，無法幫到要幫既人！喂，大佬，政府部門入面本來不是有人架咩？有d友好得閒，只係開開會，見見傳媒，舉舉手，好多時用納稅人既錢出左埠，最後除了出糧，乜建設性既野都做唔到出來。新工作咪畀佢做囉，但呢個政府總是夾硬黎，請完一個（瘟神）又一個（瘟神），簡直是狗官工場！

另一個政府政策就是「高地價政策」！！！！！

喂！大佬大大大，你班人咁貴賣地，就算你搶幾多地來起樓，發展商無理由有錢唔賺，只有興建完一堆貴樓之後，再起更多更貴既樓！除非，發展商想回饋社會，高價搶地，廉價賣樓啦。發夢啦你！無咁早呀老友！

通過一個個幾百億甚至過千億既大白象工程，人地拉布就話阻住改善民生？？？咁樣急市民所急？？？大家睜大眼望一望，通街開始有吉鋪，點解？做唔住囉，d租貴成咁。多謝自由行同埋大陸走資啦！工程超支再超支，鋪租加完再加，推高埋樓價。做老闆要交租，又點會亂加薪，而且貨物都要加價。人工無得加，物價狂飆，我問你點生活？？？在此種情況下，當全世界政府都致力「制造」通脹時，唔肯加息（繼而令金錢購買力下降）之際，其實反過來，少少通縮才解決到問題！！！

好心啦，樓價升幾倍（至少有double），去一去超市望望，個個月加，呢d上升幅度不是單位數！但邊個國家不是講緊通脹「低於預期」、「溫和」，而且不宜加息？呢種白痴大話，唔知講畀咩人聽。我淨係知道，d物價十幾廿個巴仙咁加，一年最少加兩次！

香港政府係唔會幫市民解決到問題的。這是我講的！百分百肯定。

港英政府人人都話唔好，哈，宜家見識過中共，知死吧。

從前港人窮到住木屋，後來有廉租屋、公屋，又可買居屋，最後港人富起來，搬去私樓，大型屋苑不斷落成，而且，草根可變中產，中產變小富豪，住豪宅。

今時今日，公屋輪唔到，居屋抽唔到，私樓買唔起，住分間等燒死！政府就叫人住貨櫃！公屋畀左咩人住？最貴既豪宅咩人買？大家心照啦。

成日話傾傾傾，真係廢up，香港同中共係無得傾，建制和泛民一樣無得傾，看看這是一個什麼政權，點會同你傾？南海仲裁結果唔承認，一國兩制變聯合聲明失效，標普降評級佢話人地唔識，叫佢改善人權佢話美國都無人權，六四死者家屬長期被監視，香港任何反對聲音也是外部勢力的陰謀，幫手制裁搞事的北韓變暗裡資助金仔……這一切一切的行為，根本是反社會、黑社會手段。日本人夠清醒，大陸減少到日旅行團，日民舉國慶祝（三日三夜不眠！）。

香港小市民，無錢買私樓，返工似隻狗，生意無得守，學生變監躉，高官得把口，政府快早唞。推翻佢搞獨立雖不可能，但思想上是正確不過的反應。有個錢的人都會選擇走，遠走他鄉離開這荒謬之地。

待續。

大家有否發覺？林鄭發言時一直有眼神閃爍的「習慣」，且是「大細眼」，而這大細眼現象愈來愈明顯了。

相由心生，也由心變。其大細眼，是因為樁樁件件的「大細超」，相輔相成。剛出爐的港大民調，林鄭民望跌至上任以來新低，評分只得56.4。

這也表示即使派糖派錢派片，50億教育撥款企圖收買民心，也不過收編了某些泛民政客而已，廣大市民對林鄭昭然若揭的「大細超」處理手段並不滿意。律政司強國猿的政治打壓判刑重囚，製造一批又一批政治犯，對有獨立思考能力的一代年輕人趕盡殺絕，但對建制奴才種種劣行惡行不加追究，林鄭枉為特首，狡猾（或因妹仔身份無奈）地不沾手不上身，怎可能？連一點點是非之心和判斷力也沒有？對疑似插贓嫁禍的港獨偽命題事件、對「佔中、港獨、涼薄」三合一扣帽子綑綁式批鬥、向十大校長施壓迫表態……哪樁不是雙重標準，親疏有別，睜眼說瞎話，不能一視同仁？若放生弄虛作假殺氣騰騰的文革打手何妖，更難服眾。還有那些虛報學歷的禮義廉呢？

下月發表任內第一份施政報告時，仍是「大細眼」加「大細超」嗎？到時民望更創新低。

我諗是時候擱筆，繼續走我的人生路。多謝各位多年來的探訪，有空我會更新舊文，新的，免喇。